Author: Jónas Sen

Ég kenndi Hildi á píanó. Það eru um 20 ár síðan. Hún var afar næmur nemandi og ég man ekki betur en að hún hafi klárað grunnstigið á einum vetri.

Kennslan fer fram í einkatíma, einu sinni í viku. Kennt er á píanó á hefðbundinn hátt, þ.e. eins og tíðkast í betri tónlistarskólum landsins, í samræmi við Aðalnámskrá tónlistarskóla.

Ég hef sjálfur kennt í ýmsum tónlistarskólum í gegnum tíðina, lengst af í Tónmenntaskóla Reykjavíkur, þar sem ég kenni enn.

Auk þessa er ég prófdómari hjá Prófanefnd tónlistarskólanna, svo ég þekki vel þær kröfur sem gerðar eru til tónlistarnáms, og uppfylli þær í hvívetna.

Ég get bætt við mig einum nemanda um áramótin, því þá losnar pláss. Ég kenni á öllum stigum og á öllum aldri. Áhugasamir hafi samband á senjonas@gmail.com

Hér eru mörg sannleikskorn um píanónám, bæði fullorðinna byrjenda sem barna. Það vantar hins vegar eitt: Maður þarf að hafa kennara til að árangur náist. Vissulega er hægt að læra einhver lög á netinu, en það nær skammt, rétt eins og hvað annað. Hefur einhver lært á bíl bara með því að horfa á videó á YouTube?

Ég hef kennt á píanó í 35 ár. Ég starfa einnig sem tónlistargagnrýnandi við Fréttablaðið (síðan 2010), en kennsla hefur alltaf verið aðalstarf mitt. Ég hef kennt við Tónmenntaskóla Reykjavíkur (hann hét áður Barnamúsíkskólinn) síðan 2003. Ég er með töluvert af nemendum þar, sem eru allt börn á aldrinum 8-15 ára.

Ég er líka með allnokkra fullorðna einkanemendur. Þeir koma yfirleitt til mín einu sinni í viku, hálftíma í senn. Kennslan þar er sniðin að þörfum hvers og eins, hún er mjög einstaklingsmiðuð.

Þú ert velkomin/n til mín í tíma. Þú þarft ekki að skuldbinda þig lengur en í einn mánuð, svo afhverju ekki að prófa?

Láttu draum þinn rætast!